Sak gramoun
té pokor di
Sully Andoche
—
Sink kavalié i aminn in sèl soval ?
SIRANDANE n°1
—
001 / Lo sat i manz sat son mèt i mèt pou li, mé li manz lèr li vé.
002 / Si out portfèy la fin, kontant sivé la pwin.
003 / Lamour, sa parèy zanbrozad : lo pli dou lé dann dèrnié brans odsi ranpar.
004 / Manz sak nana, sak na pwin kit pou désèr.
005 / Si la sazès té zis in késtion laz, la gèr soré zis in késtion lo mo.
006 / La pa grandèr out santimèt va fé tous aou lo sièl.
Balié mon granpèr lé sispandiyé sou la sominé ?
SIRANDANE n°2
—
007 / Fouami i fé pa son ni dan lizine tipik.
008 / Mèt in kravat dann kolé koson, li krwa i sar invit ali bal.
009 / La pa grandèr out santimèt va fé tous aou lo sièl.
010 / Fouami i fé pa son ni dan lizine tipik.
011 / Mèt in kravat dann kolé koson, li krwa i sar invit ali bal.
012 / Payas maléré na la plas pou dé.
Plèr si mon zépol tout la nuit, pa mwin pou alé rakont domoun ?
SIRANDANE n°3
—
013 / Sé lèr lodèr i lèv, ou san dann kwé ou la pilé.
014 / Léskargo i fé pa d’partaz dann karo zoumine.
015 / Si moustik té pik pa, ou noré nior son non.
016 / Ou koné pikan tang, ou wa pa son kèr tann.
017 / Rouvèr out fénèt, ma rouvèr mon baro.
018 / Sourir in marmay, la pwin pli zoli gob pou la tristès.
Mwin na in sèl zanm in sèl trip, mon tèt lé si mon vant, ou flank kou d’bwa si mon trip, mi sant po ou ?
SIRANDANE n°4
—
019 / Tomat i di : amwin pli tann. Safran i di : amwin pli zoli. Piman i di : amwin pli for […]
020 / Ou vé mirak ? Alé lir la bib.
021 / Lamour stin rou loto, afors roulé i dégonf, afors dégonflé i iz.
022 / I mont pa si la ké lièv pou alé la mès. ?????
023 / Fouami dann bokal konfitir, i méfié pa son propriétèr.
024 / Flanbwayan i pèt an flèr pou noèl, lé sèk pou pak.
Si mi irl pa, mi travay pa.
Lèr mi travay, mi manz sak ou fane ?
SIRANDANE n°5
—
025 / Kabo sotèr i di pwason rouz son fami.
026 / La pa ti poul la pèrd son momon, sé momon poul la pa vèy son pti.
027 / La pa la pli la bézwin léskargo, sé léskargo la bézwin la pli.
028 / In bonèr, sa parèy kari tang : minm ou la fine manzé, lodèr i rès.
029 / La pasians, sa pa in zépis kari lamour.
030 / Mousavèr i vé pa poz si boutèy lésans.
Mi mèt in karé la twal si mon tronpèt, li sant ?
SIRANDANE n°6
—
031 / Nou na radio, nou vé vélo, nou na vélo, nou vé loto.
032 / Brèd payatèr i anvayi marmit. Alim dofé, son figir i asiz.
033 / Fouami i pik out dwa, ou kine son ras. Rokin i manz out bra ou di ali mèrsi pou lot.
034 / Out kaz i san pilsar, kri pa ou sar manz langous.
035 / Na sak i dobout dovan fizi, na sak i mars koté fizi.
036 / Tété mon momon, ranpar kont pwazon.
Bob Marlé la pik in tèt ?
SIRANDANE n°7
—
037 / Grankèr va mor oki, mé va mor grankèr.
038 / Dépitasion i kolzak lo moral.
039 / Sarlo i sort pa san son badine.
040 / Kronm safran, apré kri out dan lé zone.
041 / Si out zié lé pli gro out vant, trouv pa drol out linèt lé pli bèl out silip.
042 / Avan moukat out vié pti ban, rapèl aou sèrvis li la fine rann out dèryèr.
Na po Léon, po Léa na pwin ?
SIRANDANE n°8
—
043 / Lo ra i mars èk in lévanzil sou lo bra. Nou wa pa lévanzil, nou wa lo ra.
044 / Kiswa lo pri, kari bisik va mars touzour èk rougay mang.
045 / Momon poul la pwin lo dan ? Ravaz son pti, ou va di amwin nouvèl !
046 / Domann révèy kélèr i lé, domann pa li kélèr fo fé.
047 / Dann tan-la, la sab té ankor galé.
048 / Dan mon salon, la pa dan mon li.
Tèl la zourné i komans, mwin lé sanm ou, lo swar ou di ou la bézwin amwin, soman arivé lèr dormi, ou fé kour amwin ?
SIRANDANE n°9
—
049 / Féstin zordi, vant vid domin.
050 / Malgré dann minm bol, dolo doluil i mélanz pa.
051 / Kozman la politik, sa paké brèd sousou : na plis pou zété ké pou manzé.
052 / Solèy i klèr pa dosou d’pié.
053 / Dosik i fé vantar dann gato, dosèl dann zandouy.
054 / Zozèf i konétra zamé.
Kri amwin in fwa, mwin stin fami zariko ; Kri amwin dé fwa, mwin stin dézord moto ?
SIRANDANE n°10
—
055 / Lo pié la di lo kor : plis dann fon ké mwin la pwin, mé si la pa mwin ti avans pa.
056 / Bourik i arkoné li ral sarèt, li la zamé di sarèt i fé son bonèr.
057 / Mal pizon i fé lo kok dovan fémèl pizon, pa dovan poul léspès.
058 / Syin la fin i fé pa ti bous dovan la kwinn.
059 / Koson i ostine li yinm la bou, propoz pa li savon.
060 / Piédbwa i défann pa ou pis dési li. I vé pa dir li lé dakor.
Ti manmzèl béko fardé dan la fré ?
SIRANDANE n°11
—
061 / Mèrl Moris, zoli labiyaz, zoli babiyaz.
062 / Ou sort gomnard1 zak soso, vyin pa dor sou son brans.
063 / Zanfan parèy zardin. Aroz ali, li anfléri, aroz pa, pikan i lèv.
064 / Mi èd bèf ral sarèt dan la monté, pa dan la désant.
065 / Avan kouran i sar anbark son kor, la mor i kit in galé si lo bor.
066 / La pa la longèr pipangay i fé rouzi la zou tomat.
Gran gèl, ti boyo ?
SIRANDANE n°12
—
067 / La pa la lang i fo méziré, mé sak li di.
068 / Pagot i frékant pa mon salon.
069 / Kayman i invit riyink kayman son kaz. Lo zour li invit kabri, mwin té kabri […]
070 / Ou wa domièl ou di lé dou, ou wa bilinbi ou di lé èg.
071 / In sourir dann in kozé, sa konm zékli konbava dann rougay tomat. La pa gran […]
072 / Ou giny in pint, rann dé pint.
Sétakoz ké mi yinm atwé, ké mi bat atwé ?
SIRANDANE n°13
—
073 / I fo viv dann ni zwazo, pou konprann souflèt zwazo.
074 / Ni bélié i aksèp pa ninportékèl zwazo.
075 / Kabri lé pa présé war son po rézonn an tanbour.
076 / Dozèf la di la plim « Anon paryé nou sot dann fon, mi ariv avan ou ». La plim la di […]
077 / Bèf i kri, li rèt anmaré. Léskargo i tak son bèk, li avans.
078 / Di moman silip sal i rèt sou pantalon...
Mwin na 5 ou na 5. Nout dé ou minm fami, mé sak ou fé mi fé pa, sak mi fé ou fé pa ?
SIRANDANE n°14
—
079 / Ladilafé lé éné dan la tèt, la grandi dan la bous, la fé pti dann zorèy, la mèt […]
080 / I sifi ardévir la kok torti.
081 / Zargo kok na pi valèr dann marmit.
082 / Lo prèt i fèrm lo zié pou manz losti. I sanz pa riyin pou losti.
083 / Biskui boudwar i fé lo vantar avan tranp dann Mari Brizar.
084 / Pou détèk vèrdtèr, kanar i bour son tèt dan la bou.
Fé pa la fars di amwin in nafèr ti dousman,
mi sar irl dann zorèy tout domoun ?
SIRANDANE n°15
—
085 / Galé té la avan koudkony.
086 / Si in vélo, la rou dovan va rèt dovan, la rou dèryèr va rèt dèryèr. Pédal aou tanpir […]
087 / I arèt ali in grif, matou i grafine ankor.
088 / Papié biro papié roulo : minm non d’fami, pa minm frékantasion.
089 / Kan na pi lo dan, i bwar la soup.
090 / Syin salon i souplé réstan son mèt. Kabri maron lé fir rod son zèrb li minm.
Kosa madanm na dé, bononm na pwin.
Kosa bononm na dé, madanm na pwin ?
SIRANDANE n°16
—
091 / Savat gos i pé rant dann pié drwat, mé ou marsra pa lwin.
092 / Bourik i fé i-an, réponn ali i-an.
093 / Démié in sèl zou mang zozé, pito kin mang filas antié.
094 / Koson zamé ragoulé, la pwin lèr pou li manzé.
095 / Minm si karot lavé zanfan, lapin noré manz karot.
096 / Gèp i amont son kostim avan son zargiyon.
Ti ras mon barb, ti désir mon palto, ti grinn mon dan, apréla ti obliz amwin étway ton linz ?
SIRANDANE n°17
—
097 / La lang, santié pou lo sièl. La lang, léskalié pou lanfèr.
098 / Dan an lor pou manz pin sèk.
099 / Dofé lé pa fou di la pli : anon fou in kou !
100 / Lamour i pas la pintir si défo.
101 / Mésié Lorgèy son pié lé gomé, li ostine li la pa mars dan la bou.
102 / Bilinbi i vant pa son dousèr dovan zanana.
Sanpinion i pous soman kan na la pli, soman kan na solèy ?
SIRANDANE n°18
—
103 / Barbis in bouk i fé lo bouk, i fé pa son gabié.
104 / Roké i kour pa dèryèr tant karot.
105 / Labwayaz lo syin i sifi lo sat.
106 / Fé pa lo zoro sanm lépé plastik.
107 / Dovan la glas, out zié i pé ramas mantèr, pa la glas.
108 / Salad i domann pa léskargo ni koz dan son zorèy.
Zwazo la fé son ni avan ariv dan la foré ?
SIRANDANE n°19
—
109 / Kapon la kouri, son pié la ariv avan li.
110 / La pwin bon pésèr si la pwin bon mèr.
111 / Fèy sèk la di fèy vèr : Domin ti sra konm mwin. Fèy vèr la réponn : Kit amwin manz […]
112 / Bégéyé sé kozé.
113 / Tété vas lé pa fé pou èt zoli.
114 / La briz lé frèl, li travèrs karo zépine.
Mon kour néna : dé basin na dolo toultan, dé robiné i koul dann mové tan, in zardin èk zarom dodan ?
SIRANDANE n°20
—
Piédbwa i défann pa ou pis dési li. I vé pa dir li lé dakor.
Ou va di mi déroz ankor si mon bann vié boubou lo kèr, mé kwé ou vé, swa mi ékri, swa mi bwar a soulé pou oubliyé. An plis son travay ponpié, mon papa lavé in gayar gouté késtion ménwizri. Sa té son métié d’kèr. Par égzanp, li la fé bèrso pou mon marmay, alala ! Son sèf ponpié lavé in métrès ké té vé rouv in magazin. Kisa mésié la parti rodé pou aranz magazin-la an nik ? Mon papa ! T’inquiète pas, tu seras détaché de ton poste, le temps des travaux. Anfin, plis détrwa samdimans ropo. Louvraz fini, je te dois quelque chose là, non, hein ? lo sèf la di. Papa la mèt son sapo si léstoma, la réponn : Onèr é réspé sèf, ou dwa pa mwin riyin. Nou té apépré 115 zan apré Sarda. Dizon piédbwa lèr ou pis dési li san domann son lakor. Kwé li kab di aou li la ? Mi bwar pa a soulé, mé mi manz la raz !
Bourik i fé i-an, réponn ali i-an.
Mwin pa Napoléon, mé mwin la fé larmé. Gran firté pou mon paran, gran siasté pou zot garson. San koz si lobligasion aprann tié domoun, ma di dé mo si dégré lintélizans lo bann sèf té komann amwin… Wala, fini. Fini kwé ? Bé mon kozman si zot lintélizans, la pwin riyin pou di, mi pé pa rakont aou zafèr i égzis pa, té ! Zot tout pli kouyon kou, mé fo fé krwar azot sé lo kontrèr. Si banna i di aou papa i ékri èk 3 « p », réponn azot « Wi sèf, é ou pé razout in kartriyinm « p » si ou vé, sèf ». La pa pou di, mé na d’moun, zot kouyonis lé plis ostiné mous sarbon si flèr zanbrovat : ou fé kouri, i artourn. Arèt gaspi out fitézon pou mèt azot dan la rézon. Krwar son kouyonis sé la vérité, sé sa la mark din kouyon. Lé konmsa, fo aksépté. Bourik la touzour kri i-an, afèr ou vé koz otroman sanm li ?